ಅಮ್ಮ ನೋಡು ದೊಡ್ಡಿಯಲ್ಲಿ
ಪುಟ್ಟ ಪಾಪು ಹುಟ್ಟಿದೆ
ಪುಟ್ಟ ಪಾಪು ಹುಟ್ಟಿದೆ
ಎಷ್ಟು ಚಂದ ಅದರ ಮೊಗವು
ಜಿಗಿದು ಹಾರಿ ಕುಣಿದಿದೆ
ಅದರ ಅಮ್ಮ ಗೌರಿ ದನವು
ಮುದ್ದಿಸುತ್ತಾ ನಿಂತಿದೆ
ಕುಣಿದು ಹಸಿದ ಕಂದಮ್ಮಗೆಮುದ್ದಿಸುತ್ತಾ ನಿಂತಿದೆ
ತನುವ ಅಮೃತ ನೀಡಿದೆ
ದೊಡ್ಡ ಕಣ್ಣು ಚಿಕ್ಕ ಬಾಲ
ಗೆಳೆಯ ಸಿಕ್ಕ ಆಡಲು
ಅಕ್ಕಪಕ್ಕ ಮನೆಯ ಮಂದಿ
ಬಂದರವನ ನೋಡಲು
ಎನ್ನ ಅಮ್ಮ ಕೃಷ್ಣನೆಂದು
ಹೆಸರ ಕೂಗಿ ಕರೆವಳು
ಅಂಬಾ ಎನುತಲೋಡಿ ಬರುವ
ನಮ್ಮ ಪ್ರೀತಿ ಆಕಳು
-ಕಾವ್ಯಮಯಿ