ಕನಸಿನಲ್ಲಿ ಕಂಡೆ ನಿಂದು
ಬಣ್ಣ ಬಣ್ಣದ ಚಿಟ್ಟೆಯೊಂದು
ಕಣ್ಣಲ್ಲೇ ಮನಸೋತೆ
ಹಿಡಿಯಲು ನಾ ಹೊರಟೆ
ಘಮ ಘಮದ ಹೂವಿನತ್ತ
ನೆಟ್ಟಿತಲ್ಲ ಚಿಟ್ಟೆ ಚಿತ್ತ
ಮಧುವನ್ನು ಹೀರುತ್ತಾ
ಮುನ್ನಡೆದಳು ಬಳುಕುತ್ತಾ
ಕಣ್ಣ ಮುಚ್ಚೆ ಆಡಿಕೊಂಡು
ನನ್ನ ಮೋಹ ನೋಡಿಕೊಂಡು
ಮಾಯೆಯಾದಳು ಮಾಯಾಂಗನೆ
ನೋಡನೋಡ್ತಿದ್ದಂಗೆನೇ...
ನನ್ಮೊಗದ ನಗುವಳಿದು
ಹೃದಯವೆಲ್ಲ ನೋವುಂಡು
ನಿಂತಲ್ಲೇ ನಿಂತೋದೆ
ಎಲ್ಲಿಗೆ ನೀ ಹೋದೆ?
ಮೆಲ್ಲನೆನ್ನ ಕಣ್ಣ ನೀರ
ಕಂಡು ಚಿಟ್ಟೆ ಕನಿಕರ
ಓಡೋಡಿ ಬಂದವಳೇ
ತಬ್ಬಿಕೊಂಡ್ಬಿಟ್ಟವಳೇ !!
ಕಣ್ತೆರೆದು ಕಾಣಲಾಗಿ
ಕತ್ತಲೆಲ್ಲ ಬೆಳಕಾಗಿ
ಕನಸೆಲ್ಲಾ ಒಡೆದು ಬಿತ್ತು
ಚಿಟ್ಟೆಯ ಸಿಹಿ ಮುತ್ತಲ್ಲಿ ...!! :)
- ಕಾವ್ಯಮಯಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ